(圖文包)頂讓商號時須注意的外僱聘用許可事宜

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包)頂讓商號時須注意的外僱聘用許可事宜

日期：2021-08-24 分類：圖文包, 僱主, 聘用外地僱員,

將商號頂讓俾人嘅時候，有咩要注意？
根據《聘用外地僱員法》，給予聘用外地僱員嘅許可係單獨向每一僱主作出，獲批許可嘅僱主不得將非專業外地僱員聘用許可移轉俾他人使用，即使屬於商號頂讓，亦都唔代表聘用許可已移轉予另一僱主嘅情況，僱主應注意有關法律規定。

頂讓咗商號之後有人力資源臨時性嘅補充需要，可以點做？
如果商號喺頂讓之後有人力資源臨時性嘅補充需要，僱主可以向勞工局提出外地僱員輸入申請，勞工局會按《聘用外地僱員法》規定，在保障本地人優先就業嘅原則下，按實際情況作出審批，以適度扶持及協助僱主實體盡快解決人資不足狀況。

因此，頂讓商號時要知道，非專業外地僱員的聘用許可係唔可以移轉嘅，所以亦都唔可作買賣之用。同時仲要留意，有關嘅勞動債權係咪已經全數清償，係咪仍有違法個案處理中。

另外，按聘用許可內對僱主所定的須遵守義務，如果商號嘅申請資料出現任何變更(例如：公司名稱、納稅人、外地僱員工作地點、公司結業及不需聘用外地僱員等)，亦必須喺15日內以書面方式通知勞工局。如果對聘用外地僱員行政手續有任何疑問，可以瀏覽勞工局網頁www.dsal.gov.mo 或致電2833 6960 查詢。

返回

RSS | 收集個人資料聲明 | 使用條款及免責聲明 | 網站地圖 | 聯絡我們
最後修訂日期：

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。