| (圖文包)新年初一至初三撞正週假？點補假先至啱？ | |
|---|---|
|
日期：2021-02-10
分類：
圖文包,
僱員,
僱主,
勞資權益,
|
- 點先算係重疊呀？
- 以今年年初一至初三(星期五、六、日)為例
非重疊：如果你只會係星期一至星期四期間嘅任何一日先會放週假，無撞正年初一至初三，唔算重疊嫁！
- 重疊要補假？
情況一：重疊假日放假
以屋企嘅家傭姐姐為例～疊假點處理呀？
如果家傭姐姐逢星期日放週假，而家傭姐姐年初一至初三會放強制性假日的話，因為年初三（2月14日）同週假（星期日）重疊咗，所以僱主記得係2月15日至3月16日內補返一日週假俾家傭姐姐。呢日補週假無須額外支付報酬㗎！
情況二：重疊假日返工
新年假期都會有人要返工（小編在此致敬），咁係重疊假日返工又點處理？
例如：A先生逢星期日享受週假，咁岩今年年初三（星期日）要返工。
係呢個情況下，僱主除咗要係30日內安排補返一日週假比Ａ先生之外（詳見黃色圖表顯示），仲因為A先生係強制性假日當天返咗工，所以僱主需要再就強制性假日返工另外作出補償（詳見綠色圖表顯示）。
小編仲有個新年錦囊送俾大家，週假或強制性假日返工（包括重疊假日返工），如果僱員返返下工因自己原因（無論合理定不合理原因），未完成當日工作早走咗，咁當日返工補償就會按僱員當日實際工作時數按比例計算。
例如原要返8個小時，僱員返左6個小時後有事請假早走，咁呢日返工的補償會按6個小時補償和補假。
返回
