| (圖文包)惡劣天氣（颱風及暴雨）下，戶外作業要留神 －博彩、酒店及飲食業注意事項 | |
|---|---|
|
日期：2018-09-11
分類：
圖文包,
僱員,
僱主,
職業安全健康,
|
夏天，為大地帶嚟雨水，有時仲會狂風暴雨。所以，當進行戶外工作時，就更加大機會受到強風、雷雨或極端氣溫嘅影響！為咗僱主、僱員嘅安全着想，係颱風或暴雨警告下，最好避免叫僱員到戶外趴高趴低（蜘蛛俠都會跣親啦）！仲要做好評估及制定應變措施，減低危險。
以下係小編俾大家嘅安全錦囊：
天氣雖不似預期，工作安排係可早作籌備
天氣情況我哋好難控制，但係，工作安排係可以控制同規劃。因此，僱主、僱員應該及早講清講楚，颱風及暴雨警告下嘅工作安排同應變措施。而且，僱主有責任確保當值員工嘅工作安全，尤其做好頭先俾大家嘅安全錦囊，咁工作起嚟僱員倍安心，僱主經營致放心！
另一方面，係惡劣天氣（「颱風及暴雨」）期間，交通及路面情況好難估計，如僱員遇到困難，未能按時返回工作崗位，應立即通知僱主、主管或上級，而僱主應予以從寬考慮酌情處理，唔好視作僱員曠工或不合理缺勤，同時體諒不扣除僱員嘅相關報酬。
時刻關心僱員安全，長遠經營僱主首選
最後提提僱主，要員工係八號或以上風球返工，記得購買額外既員工勞工保險啊。
勞工局制定了颱風、暴雨、雷暴及風暴潮警告下僱員工作安排的相關指引*，可登入勞工局網站www.dsal.gov.mo了解詳情。如有任何疑問，可致電2871 7810查詢。
*有關指引僅屬參考性質，並不具有法律強制性。
返回
