| [圖文包]勞工局提醒建築業春節假期前後注意施工安全 | |
|---|---|
|
日期：2018-02-07
分類：
圖文包,
僱員,
僱主,
職業安全健康,
|
不過，年尾真係特別多野趕架！小編依家嘅心情同大家一樣，既期待住收爐嘅一刻，但依家又俾總編追緊稿～～(淚奔)
而小編知道，春節假期前後亦係建築業最忙碌嘅日子，大家趕工等收爐之餘，都唔可以掉以輕心，忽略工作安全！所以，小編喺打卡收爐之前，都要提提建築業界嘅各位巴打做埋呢幾步：
- 打卡前第一檢：確保起重機械(如天秤、流動式起重機及吊重升降機等)及裝置(如吊鏈、吊索及吊鈎等)處於安全狀態；
- 打卡前第二檢：檢查棚架或挖掘坑道以確保其處於穩定及安全狀況，如假期前未能完成改善工序，並且情況不會造成即時危險，則須設置適當圍封及警告牌，防止其他人士進入；
- 打卡前第三檢：確保電焊關閉電源及除下電插頭；關上氣焊風煤樽，並除下所有氣喉，將其存放於安全地方；而工作地點須收拾妥當，切勿留下火種；
- 打卡前第四檢：檢查棚架和工作平台等是否穩固或處於安全狀態。因為在節假日期間，工地的環境可能已受天氣或其他因素的影響而產生了變化，例如竹棚可能會受多雨天氣影響致使結構受損而潛在危險。
最後提埋大家，喺假期後重返工作，都須由具資格人員對起重機械、吊重設備、棚架、工作平台同挖掘工程嘅工作進行檢查，確保喺安全狀態下，先可以恢復工作。
總之，不論工地嘅承造商、負責人、安全管理人員定係工友們！喺假期前後，都記得要注意安全啦！
稿已交～小編宣佈收爐Lu～～各位Fans下年見～～
返回
