今日嘅講座係比大家了解多Ｄ就業市場會遇到嘅問題，可能有部分對職涯方向仲未有想法，亦有部分係職涯路上發光期間覺得孤獨、無助…每一位面對嘅問題或者需要都唔同，所以大家要多多發問呀！

你仲係蟲身，只係因為你仲未清楚自己嘅潛能同適合你嘅發展方向。去參加勞工局嘅「職業潛能評估」搵出合適你嘅發展路向啦！係2017年，呢項「職業潛能評估」仲會深入學校，直接幫助有需要嘅學生添！認清發展方向只係第一步咋。

各位希望發光發熱嘅同學仔記得參加「青年就業博覽會」同善用即將上線嘅「網上就業配對平台」呀！無論僱主定僱員都可以透過呢D平台，直接搵到合適嘅人才或工種，了解多D就業資訊，無往而不利㗎～

咁樣就「無懼世事變改」，老闆「還是越螢越愛」，我地都可以繼續發光發熱，應付自如啦！

政府一直關注就業市場嘅需求，仲透過教育宣傳、修訂法案、加強執法去監察同埋管理勞動市場，保障本地居民嘅就業機會同勞動權利。

政府透過各項大型職安健獎勵計劃、開辦職安健嘅培訓課程、資格認證同資助職安健設備等等，增強大家對工作安全嘅意識。當然唔少得巡查啦！對工作環境唔合格嘅公司仲會進行處罰㗎！

每一隻能夠係漆黑中照亮別人嘅螢火蟲，都一定要了解到呢D服務，透過各種培訓努力裝備好自己，為自己增值，勝任職業生涯上各種晉升或橫向流動嘅要求，到時真係閃到你想隱藏自己都難呀！