(图文包)新年初一至初三撞正周假？点补假先至啱？

扫码 English Português 简体中文繁體中文标准版无障碍版 \| A A A 字体大小
	Marquee

(图文包)新年初一至初三撞正周假？点补假先至啱？

日期：2021-02-10 分类：图文包, 雇员, 雇主, 劳资权益,

话咁快，2月12日至14日就系农历新年假期啦，而年初一至年初三仲连续3日系强制性假日！咁啱～今年嘅年初一至初三系星期五、六、日，会唔会同大家嘅周假重叠咗呢？

点先算系重叠呀？

因为每个人放周假嘅日子都唔同，星期一至星期日嘅任何一日都可以作为周假休息！所以系唔系重叠，要睇两个条件 ► 强制性假日＋周假 ＝重叠

以今年年初一至初三(星期五、六、日)为例

重叠： 如果星期日系你嘅周假，咁2月14日就系强制性假日同周假重叠（年初三撞正星期日）！

非重叠：如果你只会系星期一至星期四期间嘅任何一日先会放周假，无撞正年初一至初三，唔算重叠嫁！

重叠要补假？

强制性假日与周假重叠有得补！重叠嗰日属强制性假日，而且雇主须要在30日内补回一日周假。

情况一：重叠假日放假
以屋企嘅家傭姐姐为例～叠假点处理呀？
如果家傭姐姐逢星期日放周假，而家傭姐姐年初一至初三会放强制性假日的话，因为年初三（2月14日）同周假（星期日）重叠咗，所以雇主记得系2月15日至3月16日内补返一日周假俾家傭姐姐。呢日补周假无须额外支付报酬㗎！

情况二：重叠假日返工
新年假期都会有人要返工（小编在此致敬），咁系重叠假日返工又点处理？
例如：A先生逢星期日享受周假，咁岩今年年初三（星期日）要返工。
系呢个情况下，雇主除咗要系30日内安排补返一日周假比Ａ先生之外（详见黄色图表显示），仲因为A先生系强制性假日当天返咗工，所以雇主需要再就强制性假日返工另外作出补偿（详见绿色图表显示）。

小编仲有个新年锦囊送俾大家，周假或强制性假日返工（包括重叠假日返工），如果雇员返返下工因自己原因（无论合理定不合理原因），未完成当日工作早走咗，咁当日返工补偿就会按雇员当日实际工作时数按比例计算。
例如原要返8个小时，雇员返左6个小时后有事请假早走，咁呢日返工的补偿会按6个小时补偿和补假。

返回

RSS | 收集个人资料声明 | 使用条款及免责声明 | 网站地图 | 联络我们
最后修订日期：

使用者浏览及使用本网站各项服务，即表示已知悉并同意"收集个人资料声明"及"使用条款及免责声明"的内容。