| (图文包)新年初一至初三撞正周假？点补假先至啱？ | |
|---|---|
|
日期：2021-02-10
分类：
图文包,
雇员,
雇主,
劳资权益,
|
- 点先算系重叠呀？
- 以今年年初一至初三(星期五、六、日)为例
非重叠：如果你只会系星期一至星期四期间嘅任何一日先会放周假，无撞正年初一至初三，唔算重叠嫁！
- 重叠要补假？
情况一：重叠假日放假
以屋企嘅家傭姐姐为例～叠假点处理呀？
如果家傭姐姐逢星期日放周假，而家傭姐姐年初一至初三会放强制性假日的话，因为年初三（2月14日）同周假（星期日）重叠咗，所以雇主记得系2月15日至3月16日内补返一日周假俾家傭姐姐。呢日补周假无须额外支付报酬㗎！
情况二：重叠假日返工
新年假期都会有人要返工（小编在此致敬），咁系重叠假日返工又点处理？
例如：A先生逢星期日享受周假，咁岩今年年初三（星期日）要返工。
系呢个情况下，雇主除咗要系30日内安排补返一日周假比Ａ先生之外（详见黄色图表显示），仲因为A先生系强制性假日当天返咗工，所以雇主需要再就强制性假日返工另外作出补偿（详见绿色图表显示）。
小编仲有个新年锦囊送俾大家，周假或强制性假日返工（包括重叠假日返工），如果雇员返返下工因自己原因（无论合理定不合理原因），未完成当日工作早走咗，咁当日返工补偿就会按雇员当日实际工作时数按比例计算。
例如原要返8个小时，雇员返左6个小时后有事请假早走，咁呢日返工的补偿会按6个小时补偿和补假。
返回
