(图文包)想请好帮手？【速入】佢哋都可以喺好帮手！

扫码 English Português 简体中文繁體中文标准版无障碍版 \| A A A 字体大小
	Marquee

(图文包)想请好帮手？【速入】佢哋都可以喺好帮手！

日期：2018-09-26 分类：图文包, 雇员, 雇主, 就业及招聘,

友劳老板：老赵，前几日打电话去你公司搵你，职员话「东主有喜，今日唔喺铺头」，有乜喜事呀？开心事一定要同朋友开心Share喎！

老赵：你仲记唔记得4月嗰时，我话提名阿强参加由社工局同劳工局合办嘅「第八届优秀残障雇员嘉许计划」呀？阿强喺众多表现出色嘅参加者中脱颖而出，被选为十大优秀雇员之一。嗰日就系同阿强一齐出席嘉许礼啦！

友劳老板：哗…哗…哗…真系恭喜哂！(拉爆)

老赵：当日除咗由主办单位颁发奖座外，仲有一个环节就系由雇主向获奖雇员挂上奖章同互赠礼物，分享感受，嗰刻真系好感动呀！

友劳老板：真系隔住个mon都感受到呀！话时话，佢哋系做边行架？
老赵：今次喺嘉许礼中，我有机会接触到听力障碍、肢体障碍、精神障碍同多重障碍嘅得奖者～从佢哋嘅分享中，知道佢哋嚟自不同行业同工种，例如：政府部门、博企、社企、旅行社、餐饮、社团、超市、药房同汽车维修等～

佢哋嘅职位都好多元架～例如：庄荷、活动协调员、文员、洗衣工作员、清洁主管、收银员、餐厅服务员、勤杂人员同厨师等。友劳老板，之前听你讲等人用，你都可以考虑请残疾人士，佢地真系公司嘅好帮手嚟架！
友劳老板：好喎！咁喺边度可以请残疾人士？
老赵：可以经劳工事务局就业厅嘅「显能小组」聘请残疾人士，阿强哩位好帮手都系经佢哋转介架！只要大家比机会佢哋，残疾人士都可以发挥所长，贡献社会，缔造「共赢共融」和谐社会架！

友劳老板：讲得啱！等我即刻去揾劳工局帮手先！

RSS | 收集个人资料声明 | 使用条款及免责声明 | 网站地图 | 联络我们
最后修订日期：

使用者浏览及使用本网站各项服务，即表示已知悉并同意"收集个人资料声明"及"使用条款及免责声明"的内容。