(图文包)职场升呢秘技～「煮」出个未来！

扫码 English Português 简体中文繁體中文标准版无障碍版 \| A A A 字体大小
	Marquee

(图文包)职场升呢秘技～「煮」出个未来！

日期：2018-03-28 分类：图文包, 雇员, 雇主, 职业培训及技能鉴定, 大湾区,

「民以食为天」，我哋澳门可以成为「美食之都」，当然全靠有一班出色厨师嘅付出！今时今日，厨师嘅地位亦都不断提升，再唔系以往大家口中嘅“厨房佬”，而系将各种食材用最好嘅烹饪技巧呈现喺客人眼前嘅「艺术家」～

作为正宗吃货嘅小编，自细嘅梦想就系立志成为一位「煮得出色，食得招积」嘅型仔厨师。而小编亦深明一个道理，厨艺就好似武功一样，想能纵横江湖，独当一面，除咗要不断钻研厨艺～当然要考多几个「证」傍吓身，个人都Pro D，身价唔同D！

而家越来越多大型酒店落成，带动埋唔同种类嘅餐厅进驻，厨师嘅发展前景真系一片光明！但老套讲句，机会系留俾有准备嘅人，唔想成日讲「这些机会不是我的！」，就要即刻为自己「增值」喇！

所谓「万丈高楼平地起」～根基打得好，边度都去到！
小编知道劳工事务局而家推出咗 初级中式烹调师、中式面点师、西式烹调师、西式面点师嘅「一试两证」技能测试，有一年或以上相关工作经验就可以报考啦！

只要PASS一次考试，就可以有「国家职业资格证书」、「劳工事务局之职业技能证明」同「澳门生产力暨科技转移中心之培训证书」架啦！
心动不如行动，你都快D同小编我一齐报名啦！详情可以Click入https://www3.dsal.gov.mo/DfpRegister/或致电8291 4888，仲可以即刻网上报名tim！

咩话？
原来你嘅梦想同小编一样，都想成为一位「煮得出色，食得招积」嘅型厨，奈何苦无经验，又唔知点入门好？

唔使腾，No Problem～识到小编我，就知你有运行啦！小编收到风，劳工局有个坚正嘅「酒店及饮食业厨师培训计划」即将推出，只要你想做，无经验都参加得架～想知计划嘅详情，咁就要记得密切留意啦！

咁好嘅嘢，梗系要记得开心Share埋俾朋友仔！

返回

RSS | 收集个人资料声明 | 使用条款及免责声明 | 网站地图 | 联络我们
最后修订日期：

使用者浏览及使用本网站各项服务，即表示已知悉并同意"收集个人资料声明"及"使用条款及免责声明"的内容。