(图文包) 年假点样放?

扫码 English Português 简体中文繁體中文标准版无障碍版 \| A A A 字体大小
	Marquee

(图文包) 年假点样放?

日期：2017-10-06 分类：图文包, 雇员, 雇主, 劳资权益, 法律法规,

总编: “再锋利嘅刀都会有生銹嘅一日，再锋利嘅笔锋都会有无灵感嘅一日，更何况我系打工仔”，辛苦工作一年最开心莫过於放番个靓假休息下，帮个脑袋叉足电!”

未出发先兴奋，打工仔又知唔知每年有几多日年假，可以去旅行HEA到尽呢?

按照劳工法，打工仔工作满一年就可以有至少6个工作日嘅有薪年假架啦。但系听到可以放假都唔好咁兴奋住，作为一个负责任嘅员工，想放假就一定要预先同老板沟通清楚，得到老板嘅批准至可以放，唔好就甘"飞"左去啊!

当然啦，老板都可以因应公司嘅营运需要而安排员工放年假! 但就需要提前30日订好日子同埋通知员工。

如果到期嘅年假真系放唔到，亦可以由劳资双方协议累积到下一年，最多累积两年~~(举个例，原在2016年享受嘅年假，可累积最多两年至2018年内享受。)

众小编私语:“点解总编好似放咗咁耐假都未返嘅”，小编J:“听社长讲，总编累积咗两年嘅大假，今次要long stay系山林中禅修喎”

最后小编提提您，年假系唔可以放弃，在职期间更加唔可以用钱代假！。雇主们，记得安排员工放年假，如果因为可以归责雇主嘅原因而阻止员工享受年假，就要按相关法例对员工作出赔偿架，详情可参考劳工事务局网页资讯(www.dsal.gov.mo)。

使用者浏览及使用本网站各项服务，即表示已知悉并同意"收集个人资料声明"及"使用条款及免责声明"的内容。