(图文包)世界上除咗阿妈之外，仲有边个会每日挂心你嘅安全？

扫码 English Português 简体中文繁體中文标准版无障碍版 \| A A A 字体大小
	Marquee

(图文包)世界上除咗阿妈之外，仲有边个会每日挂心你嘅安全？

日期：2016-12-07 分类：活动/计划, 雇员, 雇主, 职业安全健康,

要做到职业安全健康喺无捷径嘅，安全同健康嘅工作环境必须由雇主、雇员、专业团体同政府共同肩负责任先得以构建。作为政府，劳工局会做好宣导者、教育者同执法者嘅角色。

为咗令职安健讯息直达大众，劳工局会直接“送服务上门”，派人员到唔同企业或工作场所进行宣导，仲会去到建筑工地进行安全早会、午间讲座、专题讲座和体验实习，於2016年1至10月期间，总共进行左153场，有超过一万个工人参与。

除咗针性嘅宣导工作外，亦会举办如「饮食业职安健-看图配对有奖游戏」及「职安健吉祥物设计比赛」等活动，增加市民对职安健嘅关注度。

专为鼓励同表扬职安健表现叻叻嘅雇主同雇员而设嘅「建筑业安全施工奖励计划」同埋「饮食业职安健奖励计划」亦都成为业界年度盛事，今届仲有36间建筑公司同64间食肆响应参加添呀!

唔讲你都未必知，政府一直以黎积极向业界推广《职业安全健康约章》！鼓励各行业雇主同雇员紧密合作，共同缔造安全健康嘅工作环境。现时有143间来自制造业、建筑业、酒店业、餐饮业、运输业、通讯业、公共事业、教育、医疗卫生、社会团体等机构签署成为约章成员㗎！

为鼓励同埋扶持中、小企重视工作期间使用安全装备，我地推出各项职安健设备资助计划，已经有900间企业参与，一共派出咗2830套设备。

喺职安健嘅工作上，政府除左大力宣传推广，当然亦唔少得教育培训啦：

为确保喺建筑工地或工程地点参与施工嘅人士具备安全施工嘅基础知识，劳工局持续举办 “建筑业职安卡”课程，截至2016年10月持有有效职安卡人数已超过16万人。同时，亦积极开办各项专业课程。

其实，不论宣导或教育工作，又点止咁少！要列晒出黎，真系宣传稿都变论文！（滴汗）

最后，向大家报告下巡查执法情况！劳工局喺2016年1至10月，一共巡查咗3,146次，其中涉及1,582个企业场所，同提出改善建议1,694次。而对违规个案就起诉咗151次、罚咗MOP709,000以及22个停工个案。政府对监督同促进职业安全责无旁贷，所以会不时检讨同改善巡查机制，同唔同部门、团体合作，预防工作意外发生。

返回

RSS | 收集个人资料声明 | 使用条款及免责声明 | 网站地图 | 联络我们
最后修订日期：

使用者浏览及使用本网站各项服务，即表示已知悉并同意"收集个人资料声明"及"使用条款及免责声明"的内容。