| (图文包)劲方便! 诚意推荐：“书面合同” 编制神器! | |
|---|---|
|
日期：2018-03-15
分类：
图文包,
雇员,
雇主,
劳资权益,
法律法规,
|
劲方便! 诚意推荐：“书面合同” 编制神器!
「有劳茶餐厅」最近嘅生意可以话系蒸蒸日上，无他嘅，老板同伙计一条心，仲唔其利断金咩~今日，「有劳」嘅一班伙计又忙忙碌碌咁系间餐厅系咁碌….
厨神辉哥：老板，年头又话请多个厨师嘅？搵到人未呀？
老板：经我精挑细选，已经搵左个万中无一嘅好厨师番黎同你拍住上喇，静静鸡同你讲，仲几靓女添~~
辉哥：咁仲唔拿拿淋叫佢番工?? (心心眼)
老板：我而家喺度逗紧份合同嘛! 你咪催我喇，打错字就唔好啦~
辉哥即刻喺个围裙袋度攞左d野出黎：“书面合同” 编制神器!
老板：你以为自己系多啦x梦咩! 戈个明明只系手机一部….
辉哥：你咪咁OUT啦~ 你之前咪下载左劳工局个手机app嘅，佢而家新增左个编制「书面合同」嘅功能，可以喺手机上编制8种不同类型嘅合同，包括本地雇员嘅合同、外地雇员嘅合同、家务工作雇员嘅合同，以及「最低工资」雇员嘅合同。我而家就开比你睇！
辉哥：完成输入雇主及雇员个人资料、工作内容及合同条件后，即可制作成Word及PDF格式嘅劳动合同架喇!最后，你锺意将劳动合同电邮至电子邮箱或储存至你想要嘅储存空间都得。
辉哥：我地餐厅冇printer都唔怕！用个app生成二维码，去劳工局办公地点* 设置嘅服务站扫瞄手机上嘅二维码就可以印出黎，免费架！
辉哥：yeah~~！
返回
