| (图文包)《安妈・全仔》系列 之 【易搬经】 | |
|---|---|
|
日期：2017-04-20
分类：
活动/计划,
雇员,
雇主,
职业安全健康,
|
安妈：嗱～讲姿势就最实际啦！如果搬野姿势唔啱，一用错力扭亲条大阵，咁就大镬啦!有排休养呀！
全仔：安妈~饮食业好轻Keng啫，有乜咁多野搬呀？
安妈：你平时习惯食完松我唔怪你，饮食业呢行就梗系多野搬啦！由厨房到楼面，净系D食物、饮品同枱枱櫈櫈都有排你搬啦！仲有D滚水、刀刀叉叉呀咁，又特别容易伤人喎。一个唔小心就可能会撞伤、扭伤、割伤、压伤…如果姿势做得唔好，搞到椎间盘脱出就手尾长啦，到时唔只影响工作，仲影响日常生活添！
全仔：下，乜咁大镬架，唔怪之得电影话中国厨艺学院系开喺少林寺入面啦！
安妈：正所谓远水救唔到近火，而且都唔知你要等几耐先机入少林寺学野！嗱～我呢度有几招搬野心经，攞返去日日照三餐练，好快就见效㗎啦：
- 保持地面清洁和乾爽
- 工作地面保持平坦，尽量采用防滑物料
- 保持通道通畅，以防被杂物阻碍
- 照明应充足
- 工作人员需穿着防滑安全鞋
安妈：仲有，大腿肌力都好紧要架，所以要经常搬野嘅朋友，最好每日最少锻炼一次大腿前面嘅肌肉，令搬运重物嘅时候有足够嘅腿力，避免膝关节劳损。
全仔：原来都系下盘功夫~醒两招黎啦！
安妈：好啦，见你咁有诚意！学野啦阿仔！
全仔：今次就同大家讲住咁多先~《饮食业安全DD》仲有好多坚料送比大家架，记得要追睇我地嘅下一期啦！
返回
