| (图文包)年廿八洗邋遢 安全清洁有办法 | |
|---|---|
|
日期：2017-01-20
分类：
雇员,
雇主,
其他,
|
过多几日就要齐齐洗白白迎鸡年啦！劳工局又系时候提醒各工友、家傭同埋广大市民，喺清洁打扫时要注意嘅正确洗邋遢小锦囊，希望帮到大家啦！
爬高爬低清洁时，要用四平八稳嘅工作台或梯具，而“摺櫈”依啲作为十大武器之首，唔系用嚟企嘅，留番嚟坐或者俾十八铜人用啦！而有辘嘅櫈就更加唔好用嚟企呀！
清洁窗户时，唔好依靠窗花借力，更加唔好将个人伸出窗外，有需要就使用有挂绳嘅长柄工具协助，睇住呀!唔好跌落街呀！
清洗地板时，要摆放湿滑告示牌，否则湿滑嘅你遇上粗心大意嘅地板，好易会跣镬金。
搬运重物应量力而为，有需要应使用辅助工具或叫人帮手，而且记得要避免任何扭腰嘅动作，否则好易扭伤。如果搬运大型垃圾，就更加要用手推车啦，仲要弃置系指定嘅位置呀！
使用清洁剂时，记得保持空气流通，同时记得啲清洁剂唔好乱沟呀，确定了解清楚有关清洁剂嘅安全使用方法后先好用。而用清洁剂进行清洁时，仲要记得戴胶手套同口罩，保护好自己喎！
使用任何电动工具前都要检查好，如果发现损坏就唔好再用啦，手湿嘅话就应该抹乾手先好插电掣。
人生最紧要安全健康，好多时只要大家注意多啲细节，就可以趋吉避凶。
因此，本局希望大家既清洁任务都可以既乾净、又安全咁完成！
同时，劳工局全体同仁在此先向广大市民拜定个早年！
祝大家新春大吉！身体健康！事事顺利！
如想再知多啲职业安全健康嘅资讯，请致电8399 9221查询。
人生最紧要安全健康，好多时只要大家注意多啲细节，就可以趋吉避凶。
因此，本局希望大家既清洁任务都可以既乾净、又安全咁完成！
同时，劳工局全体同仁在此先向广大市民拜定个早年！
祝大家新春大吉！身体健康！事事顺利！
如想再知多啲职业安全健康嘅资讯，请致电8399 9221查询。
返回
