| (图文包)【职安健报料】西游记之大「切」大悟 | |
|---|---|
|
日期：2017-01-10
分类：
活动/计划,
雇员,
雇主,
职业安全健康,
|
唐三藏：悟空！你又跩跩啦～做咩将D工具四围放呀?
孙悟空：师傅我……
唐三藏：你唔使讲！师傅我同你讲左几多次，做人要有手尾，尤其是你睇呢D工具个名又锯又切又打又磨咁，都知道一定系有练过嘅叔叔先用得嘅！你要知道，人始终系血肉之躯，就算功力几高，只要一唔小心，都好容易会俾尖锐、锋利或者转动嘅部分刺伤同割伤㗎～仲有呀！如果安全措施做得唔足，切割嗰阵俾弹出黎嘅碎片射伤眼、弹亲D猫猫狗狗就唔好啦！如果用电唔安全，一个唔该仲有可能搞到触电、同埋造成噪音影响添，我佛慈悲，到时嘈亲D隔离邻舍，你叫我点样同观音娘娘交待呢？
工作环境光猛，穿着合适嘅工作服同配戴好安全保护装备
孙悟空：我顶唔顺啦！我变！
锯片、刀具同切割碟真系好锋利架，所以用之前装好合适嘅机械护罩，咁就唔会伤到自已啦！工具仲要按照原厂指引使用同埋定期保养，确保性能维持喺最佳状态
发现机械故障嘅时候，要即刻停咗佢，安排维修。操作途中系绝对唔可以郁个护罩架
喺完成工序之后，关闭电源同埋清理好现场先离开，既悭电又安全！赞！
返回
