8号风球要返工? 提早倾掂数就好
出面狂风暴雨,吓死宝宝,但系8号风球要唔要返工呢?
好彩之前同老板倾掂数,8号风球唔使返工,可以放假继续瞓。
澳门旅游业及服务业蓬勃,有唔少打工仔都要顶硬上,横风横雨都照返工,小编对仍然返工嘅工友肃然起敬。
之不过依家法律对於颱风期间提供工作嘅安排系未有规定的,所以劳资双方都要趁早就打风返工嘅安排倾掂数,免得争拗。
但系,同员工协商咗要喺8号风球下返工嘅话,老板就要为员工另外购买8号风球劳工保。
喺悬挂8号或以上风球期间,员工在工作时间开始前或结束后三小时内,直接往返居所与工作地点途中发生嘅意外,就系工作意外。
小编宝宝提提你:
假设员工吾好彩遇到工作意外,老板除咗要喺第一时间向劳工局申报工伤外,仲要收齐证明文件后尽快交俾保险公司,之后受伤嘅员工先可每15日获得一次赔偿哦。
如果老板冇为你买保险嘅话,除咗要负责你嘅工伤赔偿外,最高仲会被科处MOP5000/雇员。*
*【仅供参考,详情请参阅第6/2015号法律《修改工作意外及职业病损害的弥补制度》】
返回