搵啱路、面试好,记得嚟呢度!
青年就业博览会2016 (二)
小编上回同大家介绍咗「职场王者」同3个展区有咩精彩内容,今日就等小编继续俾D劲料各位未来嘅职场达人啦!有几劲料,睇吓你就知~
第一招:即场传授你「面试致胜技巧」!
「面试」最怕被“面试官”问到口哑哑,自我介绍又唔知点讲好?
唔知点答先得到“面试官”嘅赏识,脱颖而出?
「面试」表现相信绝对系老板请唔请你嘅关键!即使机会嚟喇,都要识得点样出绝招。
“飞云,机会嚟喇,出绝招「面试致胜技巧」”
小编收到风,劳工局会系「青年就业博览会2016」现场举行「面试技巧讲座」
即场同你Case Study,教你分析“面试官”每个问题背后嘅目的;同点应对先系至醒,仲教埋你逐一拆解面试成日遇见嘅问题
当然唔少得Q&A环节,由专人即时帮你解答同分享心得! 想面试「战无不胜」嘅你,又点可以错过呀?
第二招:「职业潜能评估」帮你发掘自己嘅职业发展方向!
究竟适合做咩工? 入边行先会有好发展呢?“妈,我好乱呀!”
“飞云,机会又嚟喇,出「职业潜能评估」啦”
劳工局亦会系「青年就业博览会2016」提供即场「职业潜能评估」服务,佢哋会先同你做一个电脑测试,了解你嘅职业兴趣及性格;
然后,根据评估报告,再同你一齐探索及分析,帮你发掘适合自己嘅职业发展方向,做好职涯规划,踏出成功嘅第一步!
想真正了解自己适合做边行,就千祈唔好错过呢个机会啦!只要系展期嗰两日即场报名就可以参加架啦,现场仲提供埋就业同职业培训嘅资讯tim~如果错过咗今次机会,都可以Click入劳工局网页了解番。
正所谓「行行出状元」,只要搵啱自己嘅人生路,想创出一片天,真系话都冇咁易啦!
返回