| (圖文包)《安媽・全仔》系列之地面滑溜溜 | |
|---|---|
|
日期：2017-03-01
分類：
活動/計劃,
僱員,
僱主,
職業安全健康,
|
安媽：大家好，等左成個月…...今集開始正式講《飲食業安全DD》嘅主題啦！
全仔：安媽～飲食業範圍咁大，又有咁多安全細節需要注意，我地先講咩主題好呢？
安媽：話明係飲食業，廚房肯定走唔甩，一於由最基本嘅地面講起啦！
全仔：安媽真係英明啦～廚房作為飲食業嘅心臟，係最為重要，但又最易出意外！單係講地板就已經難免有油漬呀、洗菜水呀，同洗碗水個Ｄ～有時真係滑到成個溜冰場咁…睇黎要入廚房做野，除左要廚藝了得同手腳夠快之外，都要識D功夫旁身先得…...
安媽：作死你咩！本末倒置！如果地面保持清潔，使鬼識「輕功水上飄」咩！我地係應該做好預防工作，唔係等出事先識反應。
全仔：咁又係～撞親跌瘀事小，如果跌到骨折或者其他更嚴重嘅情況就弊啦！
安媽：所以我幾時都話工作最緊要安全，特別係入廚房，依個家家户户都一定會出出入入嘅地方就梗加唔使講～等我教大家點去做好防止地滑嘅預防工作啦。
預防跌倒措施︰
安媽：大家只要做好預防措施，確保喺安全嘅工作環境下工作，咁大家做起野上黎安心Ｄ，效率都高Ｄ啦～好！今集係咁多，收工！
全仔：今次就同大家講住咁多先～記得要追睇我地下一期嘅《飲食業安全ＤＤ》呀！
返回
