| (圖文包)年廿八洗邋遢 安全清潔有辦法 | |
|---|---|
|
日期：2017-01-20
分類：
僱員,
僱主,
其他,
|
過多幾日就要齊齊洗白白迎雞年啦！勞工局又係時候提醒各工友、家傭同埋廣大市民，喺清潔打掃時要注意嘅正確洗邋遢小錦囊，希望幫到大家啦！
爬高爬低清潔時，要用四平八穩嘅工作台或梯具，而“摺櫈”依啲作為十大武器之首，唔係用嚟企嘅，留番嚟坐或者俾十八銅人用啦！而有轆嘅櫈就更加唔好用嚟企呀！
清潔窗戶時，唔好依靠窗花借力，更加唔好將個人伸出窗外，有需要就使用有掛繩嘅長柄工具協助，睇住呀!唔好跌落街呀！
清洗地板時，要擺放濕滑告示牌，否則濕滑嘅你遇上粗心大意嘅地板，好易會跣鑊金。
搬運重物應量力而為，有需要應使用輔助工具或叫人幫手，而且記得要避免任何扭腰嘅動作，否則好易扭傷。如果搬運大型垃圾，就更加要用手推車啦，仲要棄置係指定嘅位置呀！
使用清潔劑時，記得保持空氣流通，同時記得啲清潔劑唔好亂溝呀，確定了解清楚有關清潔劑嘅安全使用方法後先好用。而用清潔劑進行清潔時，仲要記得戴膠手套同口罩，保護好自己喎！
使用任何電動工具前都要檢查好，如果發現損壞就唔好再用啦，手濕嘅話就應該抹乾手先好插電掣。
人生最緊要安全健康，好多時只要大家注意多啲細節，就可以趨吉避凶。
因此，本局希望大家既清潔任務都可以既乾淨、又安全咁完成！
同時，勞工局全體同仁在此先向廣大市民拜定個早年！
祝大家新春大吉！身體健康！事事順利！
如想再知多啲職業安全健康嘅資訊，請致電8399 9221查詢。
人生最緊要安全健康，好多時只要大家注意多啲細節，就可以趨吉避凶。
因此，本局希望大家既清潔任務都可以既乾淨、又安全咁完成！
同時，勞工局全體同仁在此先向廣大市民拜定個早年！
祝大家新春大吉！身體健康！事事順利！
如想再知多啲職業安全健康嘅資訊，請致電8399 9221查詢。
返回
