| (圖文包)【施政回顧】勞工法你點可以唔識 | |
|---|---|
|
日期：2016-12-07
分類：
活動/計劃,
僱員,
僱主,
勞資權益,
|
無論係社會新鮮人嘅你，職場達人嘅你，定係自己創業做老闆嘅你，可能都曾經有過咁嘅感覺：勞工法是離你這麼近，那麼遠！平時好似唔係好關自己事，但一殺到埋身想知多D 嘅時候先黎臨急抱佛腳！？
響呢個時候，係咪即刻上我地勞工局網站或者打電話比我地問下? 除左呢兩個方法，勞工局仲新增左手機應用程式（APP）、Wechat、Facebook、Youtube、巴士視頻、樓宇及商廈大堂電視等新既宣傳媒介，實行有殺錯，無放過~令你地每日喺唔同角落都可以了解多D自己切身勞動權益~
澳門既勞動人口又點可以唔提外地僱員呢？為咗俾唔同文化背景既人士都可以接收到勞動權益既資訊，勞工局採用更生動和有趣既形式，制作特定主題圖文包及宣傳品，例如：假期、補償、家傭工作等系列圖文包。除左有例牌既中葡英版本，仲有推出少數族裔語種如越南文及印尼文，咁老闆們想向外僱解釋勞工法時就唔駛雞同鴨講啦!
至於社會好關注既外僱退場機制方面，勞工局會“送服務上門”，為地盤分判商及僱員進行退場講解會，講解僱員離職時涉及的勞動權益。2016年1月至10月，涉及建築僱員勞動權益既投訴人數比去年同期減少22%，顯示有關措施對預防及減少勞資糾紛個案的發生有一定作用。
依家有咁多渠道接收勞動權益既資訊，無藉口話唔知喇~~係未來，勞工局會繼續發掘新方式，加強推進法律宣導工作。僱主又好，僱員又好，一齊向住“勞資和諧”呢個目標奮鬥啦~
返回
