| (圖文包)世界上除咗阿媽之外，仲有邊個會每日掛心你嘅安全？ | |
|---|---|
|
日期：2016-12-07
分類：
活動/計劃,
僱員,
僱主,
職業安全健康,
|
為咗令職安健訊息直達大眾，勞工局會直接“送服務上門”，派人員到唔同企業或工作場所進行宣導，仲會去到建築工地進行安全早會、午間講座、專題講座和體驗實習，於2016年1至10月期間，總共進行左153場，有超過一萬個工人參與。
除咗針性嘅宣導工作外，亦會舉辦如「飲食業職安健-看圖配對有獎遊戲」及「職安健吉祥物設計比賽」等活動，增加市民對職安健嘅關注度。
專為鼓勵同表揚職安健表現叻叻嘅僱主同僱員而設嘅「建築業安全施工獎勵計劃」同埋「飲食業職安健獎勵計劃」亦都成為業界年度盛事，今屆仲有36間建築公司同64間食肆響應參加添呀!
喺職安健嘅工作上，政府除左大力宣傳推廣，當然亦唔少得教育培訓啦：
為確保喺建築工地或工程地點參與施工嘅人士具備安全施工嘅基礎知識，勞工局持續舉辦 “建築業職安卡”課程，截至2016年10月持有有效職安卡人數已超過16萬人。同時，亦積極開辦各項專業課程。
其實，不論宣導或教育工作，又點止咁少！要列晒出黎，真係宣傳稿都變論文！（滴汗）
最後，向大家報告下巡查執法情況！勞工局喺2016年1至10月，一共巡查咗3,146次，其中涉及1,582個企業場所，同提出改善建議1,694次。而對違規個案就起訴咗151次、罰咗MOP709,000以及22個停工個案。政府對監督同促進職業安全責無旁貸，所以會不時檢討同改善巡查機制，同唔同部門、團體合作，預防工作意外發生。
返回
