(圖文包)《安媽・全仔》系列之飲食業安全DD
|
|
日期:2016-11-28
分類:
活動/計劃,
僱員,
僱主,
職業安全健康,
|
安媽:大家好!我係安媽~歡迎大家收睇《飲食業安全DD》嘅特輯!
全仔:HI~我係全仔呀!安媽~其實我知道依個特輯由今期開始,之後每個月都會同大家見面,目的係教大家了解多D點樣做好飲食業職安健架啵!
安媽:無錯!大家成日都以為建築業先要講職安健,其實飲食業都一樣要重視架!
全仔:其實,飲食業嘅工作環境都有好多伏位。根據數據,係2015年同飲食業有關嘅工作意外都有成1800單呀!真係唔講得笑。
安媽:梗係唔講得笑,喺廚房成日接觸利器呀、爐頭個D,所以容易有割傷、比油爆親、地濕跌倒等等嘅意外。
全仔:仲有比蒸氣燙傷,而且有時擔擔抬抬,一唔小心仲會導致職業性肌肉筋骨勞損添!
安媽:所以我幾時都話工作最緊要安全,特別係入廚房,依個家家户户都一定會出出入入嘅地方就梗加唔使講~
安媽:我今期就帶埋全仔亮下相先,之後每個月都會針對一D常見嘅飲食業意外做深入分析,再醒大家一D入廚房嘅安全TIPS!最重要係比大家知道做好安全一D都唔難,我肯定大家都係~得嘅得嘅得嘅得嘅得嘅得嘅得嘅得嘅(SINGING)
全仔:安媽你真係好氣!哈哈~提提大家,我地台嘅另一個大型活動「職安健吉祥物設計比賽」係11月30日就會截止,未參加嘅就快D click入www3.dsal.gov.mo/MascotVote/ 或掃一掃最下面既QR Code參加啦!!我地下個月見!(飛吻)~
返回