好消息!好消息!
小編今日要大聲話比大家知,我哋勞工事務局嘅WeChat帳號開咗啦!開咗啦!開咗啦!開咗啦!(灑花) (重要嘅事當然要講N次啦~ )
白董事長:小編們,勞工局嘅WeChat靠你哋啦 !你哋要好好宣傳局方資訊,等多D市民了解自身權益同保障呀!為人民服務!
WeChat眾小編:放心將任務交比我哋啦!(鬥志旺盛)
無論係作為老闆定係打工仔嘅你,勞工局嘅資訊都同你哋息息相關,而家簡單「嘟」吓個QR Code,唔單止有勞工局嘅最新資訊、勞資小錦囊、職場小貼士等,仲可以做埋多項網上服務tim!
網上服務包括:招聘及就業選配、網上求職及招聘服務、工作意外網上申報、勞動權益預約服務、職業培訓課程或技能測試網上報名、建築業職安卡查詢或報名以及聘用外地僱員申請進度查詢等。
咁正嘅WeChat帳號,醒目嘅你「嘟」咗未呀?你屋企人「嘟」咗未呀?你朋友sss「嘟」咗未呀?你同事「嘟」咗未呀?你D親戚「嘟」咗未呀?你隔離屋「嘟」咗未呀?…… 早「嘟」早享受,快D「嘟」啦!
「友勞茶餐廳」都開咗張啦!
「友勞茶餐廳」係一個由勞工事務局管理嘅Facebook專頁,以輕鬆嘅形式宣傳本局各項資訊同法律法規,歡迎各位朋友一齊嚟幫襯下我哋嘅「茶餐廳」啦!
返回