| 「第二屆飲食業職安健獎勵計劃」接受報名 | |
|---|---|
|
日期：2016-07-01
分類：
活動/計劃,
僱員,
僱主,
職業安全健康,
|
小編我都食過下夜粥識唔少人，曾經有位廚師朋友同我講“比油爆一爆，我視為戰績！”，望佢個表情嗰一刻我好似見到美國隊長咁，但係其實呢～ 我明男人有D戰績係MAN D，但係E期興滑身嘅小鮮肉！而且呢D事明明預防到，又何必設個陷阱比自己跳喎～”
其實無論咩工種，工作環境上嘅職安健都係非！常！重！要！而特區政府亦十分重視，以飲食業為例，為咗提高業界、工友同巿民嘅工作安全意識，勞工局主辦嘅「第二屆飲食業職安健獎勵計劃」由6月開始就接受報名啦！如果食肆表現優秀，仲會有獎拎TIM呀！咁樣咪仲型！”
睇到呢度，各位廚神係咪有D心思思想參加埋一份呢？要參加易過淥生菜呀！凡係持有本澳發出有效「飲食牌照」嘅食肆，以及其僱員都可以參加！
提提你，依個計劃8月1日就截止架啦！有興趣嘅食肆記得登入勞工事務局網頁www.dsal.gov.mo了解詳情。”
仲有仲有！勞工事務局為左比食肆能夠更掌握職安健知識，仲可以為食肆提供“實地工作環境改善建議”、“五常法講解”、“飲食業職安健講座”等協助TIM架！（小編悄悄話：“免費架！”）
「安健食肆效率高、僱主僱員齊締造」仲唔快d黎參加!!
返回
