(圖文包)美麗，亦可認證？

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包)美麗，亦可認證？

日期：2018-04-17 分類：圖文包, 僱員, 僱主, 職業培訓及技能鑒定, 大灣區,

無錯，大家無睇錯標題！今次真係連美容聖手都可以做認證！

現今社會，各行各業都講緊認證，咁當然美容界別亦唔會例外啦！所以，勞工事務局即將推行「美容業一試多證」(澳門、中國、國際專業標準聯盟)，目的係令一眾美容大師嘅專業技能可以獲得認證！

大家都知～靚，係人都想！但喺眾多美容店當中，點先搵到個好技術而又合資格嘅美容師？好多時都真係靠彩數。而小編作為用家，成日都要問朋友，等佢地介紹下邊間OK，唔伏～先敢去「試新野」。

所以，作為美容師，應該點做先可以令愛美之人知道你地嘅技術係專業嘅，實力係有保證架呢？相信透過「美容業一試多證」就可以解決依個煩惱！

作為美容大師嘅你，係唔係好有興趣想知多Ｄ有關認證嘅內容呢？咁你就唔好錯過4月23日，晚上8時30分嘅「美容業一試多證」講解會。到時，勞工局會為大家解說依個「美容業一試多證」嘅考取資格同有關內容～

記得呀！即使係20出頭嘅新晉美容師，勞工局都非常歡迎你地黎參加架！始終多個認證旁身，係工作上唔多唔少都會帶黎幫助。而且今次仲係一個試有三個證，認真有SO！一於快Ｄ黎JOIN個講解會啦！

講解會詳情:

RSS | 收集個人資料聲明 | 使用條款及免責聲明 | 網站地圖 | 聯絡我們
最後修訂日期：

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。