(圖文包) 年假點樣放?

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包) 年假點樣放?

日期：2017-10-06 分類：圖文包, 僱員, 僱主, 勞資權益, 法律法規,

總編: “再鋒利嘅刀都會有生銹嘅一日，再鋒利嘅筆鋒都會有無靈感嘅一日，更何況我係打工仔”，辛苦工作一年最開心莫過於放番個靚假休息下，幫個腦袋叉足電!”

未出發先興奮，打工仔又知唔知每年有幾多日年假，可以去旅行HEA到盡呢?

按照勞工法，打工仔工作滿一年就可以有至少6個工作日嘅有薪年假架啦。但係聽到可以放假都唔好咁興奮住，作為一個負責任嘅員工，想放假就一定要預先同老闆溝通清楚，得到老闆嘅批准至可以放，唔好就甘"飛"左去啊!

當然啦，老闆都可以因應公司嘅營運需要而安排員工放年假! 但就需要提前30日訂好日子同埋通知員工。

如果到期嘅年假真係放唔到，亦可以由勞資雙方協議累積到下一年，最多累積兩年~~(舉個例，原在2016年享受嘅年假，可累積最多兩年至2018年內享受。)

眾小編私語:“點解總編好似放咗咁耐假都未返嘅”，小編J:“聽社長講，總編累積咗兩年嘅大假，今次要long stay係山林中禪修喎”

最後小編提提您，年假係唔可以放棄，在職期間更加唔可以用錢代假！。僱主們，記得安排員工放年假，如果因為可以歸責僱主嘅原因而阻止員工享受年假，就要按相關法例對員工作出賠償架，詳情可參考勞工事務局網頁資訊(www.dsal.gov.mo)。

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。