(圖文包)健康職場生活話你知ROADSHOW

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包)健康職場生活話你知ROADSHOW

日期：2017-07-06 分類：活動/計劃, 僱員, 僱主, 職業安全健康,

正所謂「開工伸展鬆一鬆　趕走疲勞好輕鬆」，好嘅嘢點可以俾佢停，勞工局於六月再到一間博彩企業及其轄下嘅酒店合辦為期半個月嘅「健康職場生活話你知」Roadshow活動，以輕鬆有趣嘅方法，加強博彩從業員對職業安全健康嘅認識，以預防工作意外和職業病嘅發生。

活動內容非常豐富，包括：
(1)    職安特工隊互動體驗遊戲
(2)    職業健康推廣站的現場測試和諮詢
(3)    職安健劇場
(4)    仲有「職安特工隊」比賽同埋「齊來伸展大比併」競賽

伸展大匯操－員工一齊做伸展運動舒展筋骨

為方便員工參與，今次Roadshow活動特登喺員工後勤區人流最多嘅地方舉行，又喺當眼位置分別設置職安特工隊互動體驗遊戲同職業健康推廣站兩個攤位，等員工喺小休時間可以玩遊戲輕鬆下同時舒展筋骨。

職安特工隊互動體驗

坐姿體前彎測試，呢個測試好考身體嘅柔軟度

除左玩體感遊戲同做測試外，亦舉辦左6場專題劇場，參加嘅員工透過互動遊戲同問答題，記住職安健小貼士，仲一齊做伸展大匯操，大家一齊舒展筋骨。壓軸項目係「職安特工隊」比賽同埋「齊來伸展大比拼」競賽，睇下參賽員工幾咁投入落力。

參賽者全神貫注咁進行比賽

員工之間合作無間，為比賽盡全力

參賽者全力以赴，觀賽者同様肉緊

兩組冠軍隊伍在賽後分享心得：喺開工前做適量伸展運動，增加身體靈活度，避免造成扭傷，同時會加倍留意工作地方潛在的危險，提高警覺，就可以大大減低工作意外或工傷嘅發生。該博彩企業負責人表示，此類活動頗有成效，員工輕鬆愉快咁加強職安健意識。公司非常重視職安健嘅工作，除咗有專門團隊負責職安健工作外，公司亦都製定相關嘅風險預案，當有職安健事件發生時會立刻處理和作出完善，確保員工喺一個健康和安全嘅工作環境下工作。

職安知識攞滿分　平安收工人開心

勞工局會繼續用不同形式在不同行業推廣職業安全健康，仲會繼續舉辦呢個「健康職場生活話你知」Roadshow活動，大家記得留意啦！

返回

RSS | 收集個人資料聲明 | 使用條款及免責聲明 | 網站地圖 | 聯絡我們
最後修訂日期：

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。