(圖文包)禁！未成年人有嘢唔做得?

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包)禁！未成年人有嘢唔做得?

日期：2017-06-30 分類：圖文包, 僱員, 僱主, 勞資權益, 法律法規,

做嘢除左吸收經驗和吸「金」外，安全都好重要，如果心口鑿個勇字就衝入沙塵滾滾嘅社會，隨時中招。今個回合醒俾大家工作安排上嘅招式，遇到以下「禁」令情況，記得show個令牌出嚟防身：

OT呢家野，未够18歲唔做得，老細叫你OT，記得say no！

阿媽成日都話：「夜麻麻係街，好危險架！」。乖乖地早Ｄ返歸陪下屋企人啦！乖～

係講未够18歲唔入得嘅場所，梗係唔可以做嘢啦！有邊D？又乖又醒嘅你，都知咪即係網吧、酒吧、遊戲機中心、桌球室、保齡球場、卡拉OK場所、健身院等。

有D工作既危險性係無色無味，卻有十足無型殺傷力，真係要識得保護自己，千祈唔好接觸有幅射、高壓電能、致癌、爆炸、操作重型機械、密閉空間等等有危險性嘅工作。

係呀～唔比去人地屋企做「家丁」、「侍婢」呀！但無話唔比你幫阿爸阿媽做屋企嘅家務呀！咪用依個「禁」令呃你爸爸媽媽呀！

最後，長氣D講句，你返工前俾家長簽同意書嗰時，記得同屋企人講清講楚商量下先；如果份工做咩都唔清唔楚，梗係問清楚個未來老細先好決定啦！

又如果老細安排你做「禁」令既工作，記得Show個令牌出嚟，大聲say no。仲可以提埋老細，違反「禁」令，佢分分鐘會被罰最高澳門幣25,000元。
出得招俾大家，預左大家問我哋各式招法，有嘢問，唔使客氣，歡迎打嚟勞工局法律熱線2871 7810問下。

返回

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。