(圖文包)《安媽·全仔》系列之【易搬經】

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包)《安媽·全仔》系列之【易搬經】

日期：2017-04-20 分類：活動/計劃, 僱員, 僱主, 職業安全健康,

全仔：安媽~上一集講左「地面滑溜溜」，今次講咩主題呢?

安媽：嗱～講姿勢就最實際啦！如果搬野姿勢唔啱，一用錯力扭親條大陣，咁就大鑊啦!有排休養呀！

全仔：安媽~飲食業好輕Keng啫，有乜咁多野搬呀？

安媽：你平時習慣食完鬆我唔怪你，飲食業呢行就梗係多野搬啦！由廚房到樓面，淨係D食物、飲品同枱枱櫈櫈都有排你搬啦！仲有D滾水、刀刀叉叉呀咁，又特別容易傷人喎。一個唔小心就可能會撞傷、扭傷、割傷、壓傷…如果姿勢做得唔好，搞到椎間盤脫出就手尾長啦，到時唔只影響工作，仲影響日常生活添！

全仔：下，乜咁大鑊架，唔怪之得電影話中國廚藝學院係開喺少林寺入面啦！

安媽：正所謂遠水救唔到近火，而且都唔知你要等幾耐先機入少林寺學野！嗱～我呢度有幾招搬野心經，攞返去日日照三餐練，好快就見效㗎啦：

搬嘢嘅環境都要注意，例如：

保持地面清潔和乾爽
工作地面保持平坦，盡量採用防滑物料
保持通道通暢，以防被雜物阻礙
照明應充足
工作人員需穿著防滑安全鞋

全仔：呢本咪傳說中嘅【易搬經】?! 我完全明白哂啦!

安媽：仲有，大腿肌力都好緊要架，所以要經常搬野嘅朋友，最好每日最少鍛鍊一次大腿前面嘅肌肉，令搬運重物嘅時候有足夠嘅腿力，避免膝關節勞損。

全仔：原來都係下盤功夫~醒兩招黎啦！

安媽：好啦，見你咁有誠意！學野啦阿仔！

安媽：講左咁多搬嘢嘅要點，仲有D心法醒比大家，背熟佢呀：「腰要直，腿用力，清除障礙，免生意外。」，「先動腦，後動手，輔助器材梗要有，搞佢唔掂搵幫手。」照住心法搬野就冇得衰架啦!今集係咁多，收工!

全仔：今次就同大家講住咁多先~《飲食業安全DD》仲有好多堅料送比大家架，記得要追睇我地嘅下一期啦！

返回

RSS | 收集個人資料聲明 | 使用條款及免責聲明 | 網站地圖 | 聯絡我們
最後修訂日期：

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。