呢排大家係唔係見到好多訓練員好努力咁捉小精靈呢,咁你哋知唔知今年7月尾舉行嘅「青年就業博覽會」曾經出現過限時版筍工獸,小編寶寶知道已經好多應屆畢業嘅訓練員成功捕捉左佢啦。嘩!係唔係好厲害呢!等小編寶寶直擊報道其中三位訓練員捕捉筍工獸嘅過程俾你哋知啦~
三位訓練員讀嘅科目都好專業~~ 讀得呢科,心中梗係有一團火,想學以致用,搵返相關嘅工作啦。佢哋試過上網搵、睇報紙搵、向親戚朋友打探吓,但無奈嘅係……哩類行頭喺澳門始終唔係主流,想搵到相關嘅工作比起捉到“啟暴龍”仲要難,如果搵唔到,都諗住疊埋心水轉行做其他工作~~
正當佢哋心灰意冷之際…….咁啱知道喺今年7月尾舉行嘅「青年就業博覽會2016」會有筍工獸出現,於是決定去碰吓運氣~~~捕捉「筍工獸」。
行行吓,俾佢哋發現咗筍工獸喺會場一間藥廠嘅展位入面,梗係立即行動,將佢收服啦~ 就咁樣,佢哋就成功捕捉咗自己心目中嘅筍工獸啦。
Cynthia喺就業博覽會巧遇經濟財政司梁維特司長,還獲得梁司長寶貴嘅經驗分享及鼓勵添。
而家三位訓練員已經成為藥廠嘅Lab Assistant,主要負責實驗室嘅日常監控及測量數據等工作,真係少D細心、耐性同專業知識都唔得架。
藥廠主管話佢哋都肯學肯試,仲會從錯誤中學習,好難得,工作前景仲好好添。
三位訓練員都認為自己好幸運,可以搵到對口嘅工作,學以致用,其實藥廠主管都好慶幸請到哩三位訓練員。唔講唔知,藥廠係2012年舉辦嘅「青年就業博覽會」都物色咗2位員工加入佢哋嘅團隊架。
藥廠主管同三位訓練員都覺得「青年就業博覽會」係一個為僱主僱員提供招聘及求職嘅好平台,除咗可以俾年青人多D機會了解到各大小企業招聘嘅資訊外,亦方便企業搵到合適嘅人才~ 哩D咪叫做「Win Win雙贏」囉!
藥廠人力資源主任Shirley及實驗室主管Philip
返回