(圖文包)「職安健吉祥物」設計比賽需要你嘅創意

掃碼 English Português 简体中文繁體中文標準版無障礙版 \| A A A 字體大小
	Marquee

(圖文包)「職安健吉祥物」設計比賽需要你嘅創意

日期：2016-10-17 分類：活動/計劃, 僱員, 僱主, 職業安全健康, 其他,

職安健係好重要架！職安健係好重要架！…相信有FOLLOW開我地消息嘅都知道我地係幾咁關注大家嘅職！安！健！
係㗎！小編都覺得咁樣宣傳職安健好煩好悶呀！(向天大叫)，但係職安健又確實好重要喎！不如咁，今次就交比你地接力啦！

勞工局同澳門理工學院合辦左一個「職安健吉祥物」嘅設計比賽！希望透過大家嘅創意同心思，為職安健宣傳注入新動力呀！
路人：「吓～吉祥物唔易做喎～」
小編：「有幾難…菜都做到吉祥物啦，真係易過食生菜㗎！試下先啦！」

講番正題先，「職安健吉祥物」比賽分為公開組，中學組同小學組。獎金最高仲有成澳門幣8000元架！係咪好吸引呢？心動不如行動喇！想知比賽嘅詳情，可以Click入www3.dsal.gov.mo/MascotVote/。　

大家唔好錯過呢個機會，就等你嘅創作成為職安健嘅「推廣大使」啦！
11月30日就截止報名同收件，注重職安健嘅你，千其唔好錯過呀！

ＰＳ：勞工局收集曬所有參賽作品之後，仲會有網上投票活動，大家可以選出心目中嘅吉祥物。如果選中冠軍作品而又被抽中嘅話，仲有超級市場禮券送添！小編到時都會再提提大家，記得留意住我嘅動態啦！

RSS | 收集個人資料聲明 | 使用條款及免責聲明 | 網站地圖 | 聯絡我們
最後修訂日期：

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。