【有著數】勞工局舉辦「飲食業職安健看圖配對有獎遊戲」

掃碼 English Português 简体中文繁體中文標準版無障礙版 \| A A A 字體大小
	Marquee

【有著數】勞工局舉辦「飲食業職安健看圖配對有獎遊戲」

日期：2016-09-01 分類：活動/計劃, 僱員, 僱主, 職業安全健康,

上個月同大家介紹咗勞工局主辦嘅「第二屆飲食業職安健獎勵計劃」，最高獎金有成3萬蚊，真係見到都心郁郁呀～個計劃就係留比飲食業界參加嘅，但其實除咗從事飲食業嘅員工之外，好多朋友仔都入得廚房出得廳堂，間唔中煮返兩味，計落都有關係㗎喎！難道真係「這些機會不是我的」？

放心！正所謂民以食為天，呢件係同大家息息相關嘅事，我地一樣有野俾大眾一齊去參加嘅！

唔知大家有無試過係廚房整親呢？好似小編我就出名手殘，周不時俾滾水淥親，又或者跣親、俾刀割親，真係諗起都痛呀！原來，只要我地留意返D細節，唔好成日貪方便，好多意外係可以避免架！注意廚房工作安全係非！常！重！要！

廚房入面嘅職安健基本知識，係要由日常生活做起㗎！所以勞工局繼「第二屆飲食業職安健獎勵計劃」同「飲食業專題講座」之後，會喺8月1日起再推出「飲食業職安健-看圖配對有獎遊戲」，凡係澳門居民都參加得㗎！大家邊學邊玩之餘，仲有機會獲得澳門幣100元超巿禮券添！中奬名額仲有成200個咁多架！

遊戲喺10月31日就截止架啦！即刻click入https://www3.dsal.gov.mo/MatchingGame/或掃一掃最下面既QR Code了解詳情同參加遊戲啦！！

RSS | 收集個人資料聲明 | 使用條款及免責聲明 | 網站地圖 | 聯絡我們
最後修訂日期：

使用者瀏覽及使用本網站各項服務，即表示已知悉並同意"收集個人資料聲明"及"使用條款及免責聲明"的內容。