8號風球要返工? 提早傾掂數就好
出面狂風暴雨，嚇死寶寶，但係8號風球要唔要返工呢?
好彩之前同老闆傾掂數，8號風球唔使返工，可以放假繼續瞓。
澳門旅遊業及服務業蓬勃，有唔少打工仔都要頂硬上，橫風橫雨都照返工，小編對仍然返工嘅工友肅然起敬。
之不過依家法律對於颱風期間提供工作嘅安排係未有規定的，所以勞資雙方都要趁早就打風返工嘅安排傾掂數，免得爭拗。
但係，同員工協商咗要喺8號風球下返工嘅話，老闆就要為員工另外購買8號風球勞工保。
喺懸掛8號或以上風球期間，員工在工作時間開始前或結束後三小時內，直接往返居所與工作地點途中發生嘅意外，就係工作意外。
小編寶寶提提你:
假設員工吾好彩遇到工作意外，老闆除咗要喺第一時間向勞工局申報工傷外，仲要收齊證明文件後儘快交俾保險公司，之後受傷嘅員工先可每15日獲得一次賠償哦。
如果老闆冇為你買保險嘅話，除咗要負責你嘅工傷賠償外，最高仲會被科處MOP5000/僱員。*
*【僅供參考，詳情請參閱第6/2015號法律《修改工作意外及職業病損害的彌補制度》】
返回
掃碼
