搵啱路、面試好,記得嚟呢度!
青年就業博覽會2016 (二)
小編上回同大家介紹咗「職場王者」同3個展區有咩精彩內容,今日就等小編繼續俾D勁料各位未來嘅職場達人啦!有幾勁料,睇吓你就知~
第一招:即場傳授你「面試致勝技巧」!
「面試」最怕被“面試官”問到口啞啞,自我介紹又唔知點講好?
唔知點答先得到“面試官”嘅賞識,脫穎而出?
「面試」表現相信絕對係老闆請唔請你嘅關鍵!即使機會嚟喇,都要識得點樣出絕招。
“飛雲,機會嚟喇,出絕招「面試致勝技巧」”
小編收到風,勞工局會係「青年就業博覽會2016」現場舉行「面試技巧講座」
即場同你Case Study,教你分析“面試官”每個問題背後嘅目的;同點應對先係至醒,仲教埋你逐一拆解面試成日遇見嘅問題
當然唔少得Q&A環節,由專人即時幫你解答同分享心得! 想面試「戰無不勝」嘅你,又點可以錯過呀?
第二招:「職業潛能評估」幫你發掘自己嘅職業發展方向!
究竟適合做咩工? 入邊行先會有好發展呢?“媽,我好亂呀!”
“飛雲,機會又嚟喇,出「職業潛能評估」啦”
勞工局亦會係「青年就業博覽會2016」提供即場「職業潛能評估」服務,佢哋會先同你做一個電腦測試,了解你嘅職業興趣及性格;
然後,根據評估報告,再同你一齊探索及分析,幫你發掘適合自己嘅職業發展方向,做好職涯規劃,踏出成功嘅第一步!
想真正了解自己適合做邊行,就千祈唔好錯過呢個機會啦!只要係展期嗰兩日即場報名就可以參加架啦,現場仲提供埋就業同職業培訓嘅資訊tim~如果錯過咗今次機會,都可以Click入勞工局網頁了解番。
正所謂「行行出狀元」,只要搵啱自己嘅人生路,想創出一片天,真係話都冇咁易啦!
返回