開學啦！ “博彩職業素養” 助升呢
博彩業作為澳門經濟嘅支柱產業，小編相信產業健康有序嘅發展，同埋從業人員素養嘅提升，絕對係有助將澳門建設成為“世界旅遊休閒中心”㗎！係人都知，博彩從業員要輪班工作，每日仲要面對千千萬萬嘅客人，壓力大到呢~ 真係少D素養都唔掂~
有見及此，勞工事務局首次聯合工聯同埋博企，勞、資、政三方一齊共同努力，為提升從業員嘅「職業素養」開辦咗帶薪培訓課程：「博彩職業素養培訓課程」。課程集中訓練博企員工嘅「職業核心能力」、「抗逆能力」同埋「負責任博彩意識」，除咗可以幫佢地加強自信心、培養解決問題能力、學習正面處理情緒以及壓力外，仲對佢哋嘅長遠職業生涯規劃同發展好有幫助架~ 從業員開心咗，服務好咗，客人自然更滿意，連企業形象都即刻升埋咧啦~ 簡直係 “Win Win Win” !
而首階段「博彩職業素養培訓課程」嘅開課儀式已經係今日隆重舉行啦~ (鼓掌)
等小編帶大家一齊睇吓今日嘅精彩花絮啦~
小編今日訪問咗三位學員，一齊嚟睇吓佢地有咩Say !
小編話你知，今次課程只係一個起步，勞工局及工聯繼續仲會同其他博企一齊開辦呢個課程，等廣大博企從業員都可以參加培訓，特區政府期望未來有更多嘅行業同企業為僱員安排包括職業素養嘅培訓課程，一齊為行業嘅健康及本澳人才綜合素質發展共同努力。
返回
掃碼
